Jy ken Jan Blohm, maar hier is ‘n stukkie nuus wat jy graag sal wil weet

Blohm is op 25 September 1978 op Kroonstad gebore as George Harry (Jorrie) Kymdell en het op sewe begin met musiek- en klavierlesse. Ná skool het hy by die Suid-Afrikaanse Lugmag aangesluit waar hy opleiding in radiokommunikasie ontvang het en daar het hy homself leer kitaar speel. Ná vyf jaar in die lugmag het hy ‘n loopbaan by ‘n inligtingstegnologiemaatskappy begin.

Tussen 1998 en 2003 was hy lid van verskeie rockorkeste, by name Demigods, Ledd Eye en Duin 7. In 2002 het hy heeltyds sanger en klankingenieur geword. In 2003 het hy begin om as solo-kunstenaar op te tree en op Afrikaanse musiek te konsentreer. Sy debuutalbum, Melkstraat Confessions, is die jaar daarna in 2004 bekendgestel. Twee van sy liedjies is op die versamelalbum Volk Jou Ook deur Wildebeest Records opgeneem (onder die naam George Harry) en talle van sy liedjies is op ongeveer 27 ander versalmelalbums te vinde.

Deesdae tree hulle op as die Jan Blohm Orkes. Die res van sy groep bestaan uit Herman Kruger op tromme, Charl Broodryk op ritmekitaar en Martin Labuschagne op baskitaar.

Jan Blohm (1978-) is ‘n Afrikaanse liedjieskrywer en rock- en bluessanger. Hy is ‘n groot bewonderaar van Breyten Breytenbach (Jan Blom is ‘n skuilnaam van Breytenbach) en probeer ‘n digterlike eienskap aan sy musiek gee. In 2005 maak hy ook sy verskyning as akteur, in die TV-reeks Dit wat stom is. Hy het verskeie toekennings ontvang, onder meer ’n Sama vir beste Afrikaanse DVD vir Live at the Performer (2008). Van sy treffers is: Groen Trui, 7 jaar, Ruby, Breyten se Brief en Rooiwyn & Mary-Jane.

Loer hier onder na een van sy musiekvideo’s:- Jan Blohm – Vicky

Enjoyed this post? Share it!

 

Leave a comment

This site uses Akismet to reduce spam. Learn how your comment data is processed.